VÍDJÓ

Hugleikur Dagsson og Sandra Barilli

Hugleikur Dagsson og Sandra Barilli horfa á mikilvægustu myndir allra tíma.

Á hverjum þriðjudegi kemur nýr þáttur sem er tileinkaður einni mynd af ótæmandi lista bíómynda sem Sandra hefur ekki séð áður. Þau skeggræða hverja mynd fyrir sig og allt það sem henni við kemur og það sem þeim dettur í hug líka.

All Episodes

Tom Hanks leikur ungan mann sem sér um vöruflutninga og þykir lítið til lífsins og ástarinnar koma. Hann kynnist þá konu sem kemur úr óvæntri átt og segir honum fátt um uppruna sinn. Með þeim takast ástir og lífið leikur við þau þangað til hann kemst að raunverulegu eðli konunnar.

Nov 30

57 min 48 sec

Ofurhetjan Blade er fæddur sem afkvæmi manns en með eiginleika vampíru. Hann nýtir ofurkraftana sína til að berjast gegn þessari vá sem herjar á íbúa New York borgar. Hann reynir eins og hann best getur að stöðva upprisu illmenna sem ætla sér að beita bellibrögðum til að öðlast guðlega krafta.

Nov 23

1 hr 9 min

Barbarellu er falið það verkefni að hafa upp á illmenninu Duran Duran. Hún lendir í ótrúlegum ævintýrum á ferðalagi sínu um geiminn og passar að vera alltaf viðeigandi í klæðaburði.

Nov 16

1 hr 19 min

Mjög hæfur brúðuleikari sem hefur því miður ekki náð langt í list sinni, finnur fyrir einskæra tilviljun göng á vinnustaðnum sínum sem leiða hann í ævintýralega upplifun á lífi leikarans John Malkovich. Hann ákveður þá ásamt samstarfskonu sinni að selja aðgang að göngunum en um leið og hr. Malkovich sjálfur kemst að þessum leyndardóm eru góð ráð dýr.

Nov 9

1 hr 13 min

Luke hefur fundið kraftinn innra með sér og leitar á náðir meistara Yoda til að þjálfa hann. Á meðan er samstarfsfólk hans, Leia Prinsessa, Hans Óli og Chewbacca, að beita öllum brögðum til að fela sig fyrir Svarthöfða með dyggri aðstoð vélmennisins C3PO.

Nov 2

1 hr 35 min

Aukaþáttur í tilefni af Hrekkjavöku, Hulla og Söndru félagið horfir á hryllingsmynd þar sem ungur drengur myrðir systur sína og er vistaður á geðsjúkrahúsi í framhaldi. Hann sleppur út þegar hann er kominn til vits og ára og ræðst á ungar barnapíur í gamla hverfinu sínu.

Oct 27

1 hr 12 min

Líf dýranna í skóginum er ekki alltaf dans á rósum, sérstaklega þegar óboðni gesturinn mætir þangað. Við fylgjumst með Bamba og vinum hans stíga sín fyrstu skref og átta sig á umhverfi sínu með tilheyrandi gleði og áföllum .

Oct 26

57 min 41 sec

Hvað ætli gerist í heimi þar sem illa gefnu fólki fjölgar svo að þau útrýma því gáfaða? Meðaljón Ameríku vaknar úr dái í framtíðarríki þar sem hann, fullkomlega áreynslulaust, er orðinn best gefni þjóðfélagsþegninn. Hann kynnir betri aðferðir við ræktun korns og er gerður að forseta Bandaríkjanna stuttu eftir það.

Oct 19

1 hr 39 min

Glæpagengi í Brooklyn elur upp meðlimi frá unga aldri. Henry litli sinnir hinum ýmsu störfum fyrir glæpóna hverfisins og uppsker ríkulega. Þegar hann er orðinn háttsettur ákveður hann að færa út kvíarnar en kemst í hann krappann þegar hann verður of sólginn í innflutningsvörur sínar.

Oct 12

2 hr 7 min

Þrjár ungar skutlur vinna á kontórnum á daginn undir gríðarlega þrúgandi nærveru yfirmanns sem hlutgerir þær og hamlar þeim frekari starfsþróun. Eftir röð tilviljana enda þær á að halda honum föngnum í hans eigin húsi og á meðan fá þær frið til að besta vinnustaðinn og hlúa að starfsfólki.

Oct 5

1 hr 30 min

Sjálfstætt starfandi hermaður og hans hópur er fenginn til að ráða niðurlögum á óþekktri veru sem virðist vera að leggja frumskóginn undir sig með því að herja á fólk. Skepnan beitir ýmsum brögðum til að ögra fólkinu og hamflettir nokkra einstaklinga og þá eru góð ráð dýr.

Sep 28

1 hr 28 min

Myndin segir frá sænskum feðgum sem ráða sig í vist á lítilli eyju sunnan af Skáni. Þrátt fyrir að þeir búi við bágar aðstæður þá missir sonurinn Pelle ekki trúnna á að hann geti öðlast frelsi og komið sér í burtu.

Sep 21

1 hr 27 min

Barnlaus hjón lenda í bílslysi og drukkna en í staðinn fyrir að kveðja veraldlega heiminn snúa þau aftur í húsið sitt sem draugar. Þau hefja þá ómarkvissar tilraunir til að hrekja á brott nýja eigendur hússins.

Sep 14

1 hr 4 min

Við fylgjumst með unglingum í sjöunni í vernduðu umhverfi í Bandaríkjunum sletta úr klaufunum eftir skólaslit að sumri. Yngstu bekkingar þurfa að þola busun af hendi hinna eldri meðan að önnur leita að partýjum og drykkjufélögum.

Sep 7

1 hr 18 min

Dae-su virðist vera mikil fyllibytta og ónytjungur og er fangelsaður í fimmtán ár þrátt fyrir að hafa ekki sýnilega brotið af sér. Þegar hann sleppur úr fangelsinu einsetur hann sér að finna kvalara sinn en sú leit leiðir hann á óvæntar slóðir.

Aug 31

1 hr 9 min

Þegar nýfæddur Kal-El er sendur aleinn frá deyjandi plánetunni sinni lendir hann á Jörðinni þar sem eldri hjón taka hann að sér og ala hann upp. Honum gengur vel í hinu daglega lífi en þegar hann nær unglingsárum áttar hann sig á að hann er ekki eins og flest fólk heldur býr hann yfir ofurkröftum sem hann nýtir til að gera góðverk og hjálpa sínum samborgurum.

Aug 24

1 hr 16 min

Þrír vinir sem kynnast á unga aldri feta saman lífsins veg gegnum erfiðleika, fátækt og lögregluofbeldi. Tímamótamynd sem er byggð að einhverju leyti á upplifunum höfundar og veitti á sínum tíma gríðarlega innsýn inn í líf svartra í hverfum Los Angeles.

Aug 17

1 hr 20 min

Amerísk vísitölufjölskylda flytur í fallegt hús í úthverfi í Kaliforníu og hyggur á huggulegt líf þegar undarlegir andar fara að láta á sér kræla. Yngsta dóttirin verður þeirra fyrst vör og smátt og smátt taka þeir yfir heimilið. Óhugnaðurinn virðist engan enda ætla að taka og foreldrarnir leita ráða vítt og breitt um samfélagið til að ráða niðurlögum á draugaganginum.

Aug 10

1 hr 4 min

Tvær ungar skjátur ákveða að skella sér í helgarfrí til að losna aðeins frá sínu daglega amstri. Þeim tekst ekki betur til en svo að í upphafi ferðalagsins verður önnur þeirra fyrir hrottalegri árás og hin tekur lögin í sínar hendur og saman breyta þær stefnu helgarfrísins í flótta undan lögreglunni.

Aug 3

1 hr 32 min

Metnaðarlaus ungur maður vinnur á skrifstofu með erfiðum yfirmanni og þykir fátt til lífs síns koma, þangað til að hann tekur þátt í dáleiðslutíma sem fer örlítið úrskeiðis. En þrátt fyrir mislukkaða dáleiðsluna nær hann að öðlast nýtt viðhorf gagnvart yfirmönnum sínum, vinnu og einkalífi.

Jul 27

1 hr 12 min

Ungur flóttamaður frá Kúbu kemur sér í mjúkinn hjá eiturlyfjainnflytjanda í Miami. Þrátt fyrir ungan aldur og litla reynslu er hann þó ekki lengi að taka yfir stórveldið hans og eftir það liggur beinast við að stækka við sig. En eins og oft er með fyrirtæki sem opna mörg útibú er auðvelt að missa tökin á gæðastjórnun þegar athyglinnar er víðs vegar krafist.

Jul 20

1 hr 40 min

Lítil fjölskylda flytur yfir sumartímann í sveitir Japans, til að dreifa huganum á meðan að móðirin liggur á spítala. Dæturnar tvær kynnast nágrönnum, dýrum og alls kyns furðuverum sem dvelja þar líka.

Jul 13

1 hr 3 min

Gáskafull og hvatvís kona hittir heillandi mann í smáfuglabúð í stórborginni, en þegar hann þarf skyndilega að rjúka ákveður hún að elta hann uppi með þá tvo fugla sem hann óskaði systur sinni í afmælisgjöf. Þegar hún mætir óvænt í bæinn til verður uppi fótur og fit þegar aðrir fuglar byrja að sýna af sér ankannalega hegðun gagnvart bæjarbúum. Tímamóta ræma um ófyrirséðar ógnir.

Jul 6

1 hr 28 min

Tvær ungar og nýútskrifaðar stelpur fylgjast með fólki í kringum sig og reyna að finna sinn stað í lífinu. Önnur þeirra kynnist hljómplötuáhugamanni meðan að hin vinnur og leitar að íbúð fyrir þær tvær að leigja saman. Þetta er mynd um mótunarár unglingsstúlkna og sumarið sem breytir öllu.

Jun 29

1 hr 17 min

Ung og glæsileg kona aðstoðar aðkomumann í Rauða hverfi Los Angeles við að komast aftur heim á hótelið hans. Maðurinn óskar eftir að hún veiti honum sína nærveru- og kynlífsþjónustu meðan hann er í viðskiptaerindum í borginni og gera þau ýmsa hluti saman, meðal annars að versla, horfa á kappreiðar og elskast.

Jun 22

1 hr 28 min

Ógnvekjandi ófreskja í hafinu skekur heilt sjávarþorp sem hefur sitt lifibrauð af ferðafólki sem sækir þangað í sólina kringum þjóðhátíðardag Bandaríkjanna. Lögreglustjórinn á svæðinu vill krefja bæjaryfirvöld að loka ströndinni á meðan að hann og félagar hans ráða niðurlögum á gríðarstórum hákarli sem hefur kjamsað á nokkrum bæjarbúum og aðkomufólki.

Jun 15

1 hr 17 min

Eldklár lögreglukona í miðríkjum Bandaríkjanna fær morðgátu upp í hendurnar þegar hún kemur að undarlegu bílslysi í vegarkanti. Rannsókn málsins leiðir hana til bílasala sem virðist við fyrstu sýn ekki hafa allt mjöl hreint í sínu pokahorni. Skemmtileg ræma um morðmál og ótrúlegar afleiðingar.

Jun 8

1 hr 20 min

Eftir fráfall æskuástar og eiginkonu hans Carl Fredricksen ákveður hann að halda í draumaferðina þeirra upp að Paradísarfossum. Hann vissi þó ekki að þegar að hann tók á loft í heimasmíðuðum loftbelg að óvæntir ferðafélagar leyndust með, sem koma til með að kenna honum eitt og annað um að njóta lífsins.

Jun 1

59 min 45 sec

Vel þekkta og ógeðþekka mannætan Hannibal aðstoðar lögreglukonuna Clarice við leit að fjöldamorðingja í sýslum Vestur-Virginíu. Þrátt fyrir ógnandi tilburði gagnvart öllu öðru fólki kemur Hannibal vel fram við hana og hjálpar henni í hvívetna. Hulli og Sandra ræða samúð með siðblindum fjöldamorðingjum sem hlusta á óperur og drekka fín vín.

May 25

1 hr 10 min

Sögulegt ævintýri um The Princess Bride og örvæntingafulla og þyrnum stráða för ástmanns hennar sem hún taldi látinn. Fantasía sem á sér enga líka, Hulli og Sandra ræða hvers vegna þessi mynd er svona hjartnæm.

May 18

1 hr 20 min

Heimsþekkta útlagaparið Bonnie og Clyde eyddu síðustu æviárum sínum á flótta undan lögreglunni og skópu sér einstakt orðspor á meðan. Hulli og Sandra kafa í upphaflegu áhrifavalda áhrifavaldanna í Bandaríkjunum.

E

May 11

1 hr 4 min

Velkomin í fyrsta þátt af VÍDJÓ. Hérna er loðfíllinn í skápnum krufinn og kraminn, Star Wars: A New Hope. Tæknibrellur sem áður höfðu ekki sést ásamt leikmynd á alheimsskala. Sandra upplifir alvöru Stjörnustríðið í fyrsta sinn, megi mátturinn og dýrðin með ykkur vera.

May 4

1 hr 33 min