Buvette - De Fussballpodcast

Gilles Immer, Ben Vogel, Dylan Vogel

De Fussballpodcast, deen do stattfënnt, wou déi déifgrënnegst Theme beschwat ginn - an der Buvette. De Gilles Immer, Dylan Vogel a Ben Vogel, lafen dem ronne Lieder net nëmme selwer no, se schwätzen och schrecklech gären driwwer. Vun der Currywurst am Stadion bis zu taktesche Meeschterwierker am Lëtzebuerger wéi internationale Fussball, brénge si hir gedanklech Doppelpäss ënnert d'Leit. All Woch gëtt sech an der Buvette iwwert Aktuelles aus der Fussballwelt ënnerhalen.

mwp.podcast.all.episodes

De Ballon d’Or ass gewielt, och wann de Ben de Weekend nach eng Kéier alles gemaach huet fir do e Wuert mat ze schwätzen. Wärenddeem setzt den Dylan weiderhin a Quarantän, de Gilles ass op Studierees an endlech gouf et mol rëm eng Bundesliga Samschdes Mëttes Konferenz, déi Spaass gemaach huet. A Portugal wees een net op et net awer Kreisliga war a wann ee mengt et hätt een alles gesinn, da muss een a Rumänien kucke goen... oder eben nëmmen hallef.

30 nov.

time.minutes.short time.seconds.short

Eng turbulent Woch, an där et definitiv net langweileg ginn ass... Quarantän, Beaujolais mat Kéis a wichteg Punkte stinn déi Kéier ganz uewen op der Lëscht. Mee domat laang net genuch: an England raumt den Ole Gunnar mat frëndlecher Hëllef vun eisem beléiften Harry da lo awer säi Büro, a Frankräich sinn alt rëm Fläsche geflunn an an der Ukrain ass den Oli Thill guer net méi ze halen.

23 nov.

time.minutes.short time.seconds.short

Zum Ofschloss vun der WM-Qualifikatioun goufen et vun eise Roude Léiwen 3 Auswäertspunkten zu Baku an den éischte Match an engem ausverkaafte Léiwen-Park. De Gerson Rodrigues huet gezaubert, de Seba Thill trëfft monter weider an de Ralph Schon hat méi Grënn sech dëser Deeg ze freeën. An wat fir déi meescht eng Lännermatchpaus ass, ass fir de Ben ganz einfach Vakanz.

16 nov.

time.minutes.short time.seconds.short

Zu Rodange gouf Bëton gemëscht an den Dylan huet e weidere Kreisligamatch am CV stoen. Am internationale Fussball huet de Gilles eng logesch Erklärung fir déi Dortmunder Resultater dem Ament an et schéngt, wéi wann den däitsche Meeschter scho rëm feststeet. Op der Insel ass Manchester scho rëm blo, an awer setzt den Ole Gunnar Solskjaer nach um Stull, och wann dat wuel just un engem gewëssene Ronaldo läit. An dann gouf et nach een oder deen anere Lëtzebuerger Gol de Weekend.

9 nov.

time.minutes.short time.seconds.short

Den Dylan huet säi Gebuertsdagsweekend richteg genoss, de Gilles huet sech och näischt entgoe gelooss an de Ben konnt mat sengem Eelefmeter dozou bäidroen, dass de Progrès de Swift vun Hesper aus der Coupe geheit. Deemno war et eng gelonge Woch mat intressante Resultater a Matcher an engem Iwwerraschungscadeau fir de Brausepirat Dylan.

2 nov.

time.minutes.short time.seconds.short

Nei Woch, nei Episod. De Ben a säi Progrès huelen 3 Punkten an enger weiderhi spannender BGL-Ligue mat, wärend den Dylan mat TUS Königsdorf op enger laanger Auswährtsfahrt déi éischte Kéier an dëser Saison keng 3 Punkte mathëlt. An der Bundesliga ass géint Bayern kee Kraut gewuess, egal wéi en Trainer op der Säitelinn steet. Highlight vum Weekend war awer den Toppmatch an England, dee méi wéi däitlech ausgaangen ass an dat och de Grond ass, dass am Old Trafford ee Stull ferm um wackelen ass.

26 oct.

time.minutes.short time.seconds.short

Gëllen Hochzäit an der Buvette! An der Jubiläumsepisod ass et no de Lännermatcher rëm Zäit ginn, an eng spannend BGL-Ligue ze kucken, an eng Bundesliga déi éischter wéineg Spannung versprécht an eng Premier League, déi ee Scheich-Club méi huet. An déi Euphorie zu Newcastle stéisst an der Buvette op wéineg Begeeschterung.

19 oct.

time.minutes.short time.seconds.short

Et war eng vun deene ganz rouege Wochen, well ausser eise Roude Léiwen, déi bëssen onglécklech géint d’Serbe verluer hunn, stoung just nach d’Nations League um Programm, déi deen een oder anere souwisou scho vergiess hat. Fir de Recht war an der Fussballwelt net vill lass, wat et de Jongen an der Buvette erméiglecht huet, bësse méi ronderëm de Bräi ze schwätzen. An dat kennen se gutt.

12 oct.

time.minutes.short time.seconds.short

Dës Woch gëtt et just een Thema an dat ass eise Seba Thill, dee Lëtzebuerger Fussballgeschicht schreift. Net nëmme kennt elo d'ganz Welt säi Numm, mee am Bernabeu sinn se och d'Spannennetzer lass. A well dat nach net genuch ass, huet säi Brudder Oli zwou Buden um Weekend zum Beschte ginn.

5 oct.

time.minutes.short time.seconds.short

Mir erliewen eng spannend BGL-Ligue Saison, wou gefillt jiddereen e Wuert em déi éischt Platze matzeschwätzen huet. An der Bundesliga sinn et rëm déi Dortmunder, déi dem Gilles Suerge maachen, och wann eng Arbitterdécisioun groussen Undeel dorun huet. A wann de Ronaldo den nächsten Eelefmeter schéisst, dierft dem Bruno Fernandes säi Ball dann och mëttlerweil ukomm sinn. Zu gudder Lescht steet rëm Champions League un, wou eis zwee Nationalspiller sensationell gestart sinn.

28 sep.

time.minutes.short time.seconds.short

Et harmonéiert an der Buvette, wat och doru läit, dass ee vun dem aneren, Woch fir Woch, léiert! Deck Loft gëtt et awer dogéint zu Käerjeng, och wann et alles anescht wéi schlecht leeft. A wärend zu Bremen de Mitchell Weiser um Terrain fir Gespréich suergt, mécht den Tim Wiese et uewen an der Buvette.

21 sep.

time.minutes.short time.seconds.short

D'Lännermatcher sinn eriwwer an d'Spiller dierfen zréck bei hier Veräiner, och wann deen een oder aneren en Ëmwee maache muss. Wärend d'Bundesliga mat sengen net all ze spannende Samschdes-Mëttes Konferenze kämpft, huet d'Premier League rëm hier Attraktivitéit bewisen: de CR7 mellt sech, wéi och anescht, mat Goler zeréck a fir de Big Rom mussen se deemnächst vläicht nei Gréissten definéieren. Mee och dem Messi säin Hobby-Championnat huet en neie Star, well eise Gerson seng nei Faarwen direkt zur Victoire schéisst.

14 sep.

time.minutes.short time.seconds.short

Wärend den Dylan den Zenit vu senger Karriär erreecht huet, hat de Gilles d'Méiglechkeet, de neie Stadion beim Match géint Aserbaidschan ënnert d'Lupp ze huelen. Net nëmme konnt Lëtzebuerg komplett verdéngt 3 Punkten huelen, mee et ass och héich Zäit ginn, de legendäre Josy Barthel hannert sech ze loossen, well den "Léiwen-Park" huet alles, fir zum Hexekessel ze ginn, wann en mol bis voll ass. A wann der bis emol an de Genoss kommt, denkt un är Jackett!

7 sep.

time.minutes.short time.seconds.short

Et ass déi éischte Kéier, dass déi 3 aus der Buvette beienee sinn an ophuelen an zesumme schaffen si en Weekend op, bei deem et vun enger an déi aner Buvette gaangen ass. Sou stoung den nationale Fussball des Kéier am Virdergrond, och wann et international virun allem den Transfert vum Ronaldo war, dee bëssen aus dem näischt koum an iwwerrascht huet. An dann ass d’Virfreed op d’Lännermatcher des Woch grouss, well d’Buvette live mat derbäi wäert sinn. Huel se!

31 ago.

time.minutes.short time.seconds.short

Ahoi ass d'Motto vun dëser Episod. De Kapitän Gilles mëllt sech live aus Sardinie vum Boot fir dem Ben a Dylan hir Victoiren ze kommentéieren. Ausser engem Platzstuerm zu Nice, engem Eelefmeter mat zwee Bäll a Schalker Konstanz, hunn d Jongen hir üblech Liblingstheme behandelt.

24 ago.

time.minutes.short time.seconds.short

Den Dylan lieft säin Dram a feiert säin Debut an der Kreisliga, de Ben verlaangt sech um Terrain alles of an de Gilles genéisst dat Ganzt vu baussen. Sou hat jiddereen op seng Aart a Weis en intressante Weekend mat vill Fussball, well nieft der Bundesliga, déi scho rëm mat engem VAR-Skandal an d’Saison start, huet och d’Premier League an d’spuenesch Liga ouni Messi ugefaangen. Ausserdeem sinn och rëm eis Lëtzebuerger Nationalspiller aktiv, woubäi een eng extra Aufgab aus der Buvette kritt.

17 ago.

time.minutes.short time.seconds.short

D’Buvette geet an déi zweet Saison an endlech leeft et rëm wéi een et gewinnt ass: Leit op den Tribünen, Béier an der Buvette a Wurschten um Grill. Zu Nidderkuer gouf méi Waasser- wéi Fussball gespillt a soumat hat de Ben leider e kuerzen Optrëtt um éischte Spilldag an der BGL-Ligue. An Däitschland start d’Saison dann sou richteg mam DFB-Pokal a genau sou wéi verschidde Bundesligiste Problemer haten, den éischten Tour ze packen, hunn d’Jongen aus der Buvette Problemer Prognose fir d’Bundesliga ofzeginn. Zu gudder Lescht gëtt d’Messi-Drama ugeschwat a kuerz iwwert d’Transferten duerch Europa diskutéiert, woubäi een Transfert ganz kloer rausstécht.

10 ago.

time.minutes.short time.seconds.short

D’Europameeschterschaft ass dann och elo eriwwer an d’Jongen aus der Buvette gratuléieren dem wuel verdéngte Gewënner aus Italien, zéien e Bilan vum Tournoi a kucke mat engem Aen an déi nächst Saison.

14 jul.

time.minutes.short time.seconds.short

Den EM-Special aus der Buvette! D’Stëmmung ass mëttlerweil do, an dat läit och virun allem un den Zuschauer, déi rëm erlaabt sinn. Gefierften Hoer, en absolutte Schock-Moment, ongewéinlech Pressekonferenzen, Iwwerraschungen an Enttäuschungen, langweileg ass déi EM definitiv net. Déi 3 Hobby-Experte Ben, Dylan a Gilles si rëm do an huelen déi eenzel Gruppen ënnert d’Lupp a kucke wat bis elo sou geschitt ass.

22 jun.

time.minutes.short time.seconds.short

Buvette déi lescht! Mir schléissen dës Saison mat enger Episod of, wou mer dem Ben säi Gol feieren an hien seng Equipe domat an der Course em déi 4. Plaz hält. Dat bedeit een oder deen anere Cageot fir hien an dat ass wuel d’Stéchwuert bei ganz ville Veräiner an deene verschiddene Ligaen an Europa, vu Championne wéi Lille oder Atletico iwwert Qualifikatioune vun Union Berlin bis zu Opsteiger wéi Hansa Rostock, wou ee rëm besonnesch erausstécht. Dann soe mir villmools Merci fir de Support bis heihin a mir héieren eis, ofgesi vum EM-Special, am August rëm, wann déi grouss Ligae rëm ufänken.

25 may.

time.minutes.short time.seconds.short

Dës Woch war et eng Buvette Late-Night-Show well de Gilles zu München ënnerwee war an eng Stad am Ausnamezoustand virfënnt. An et huet een d’Gefill, et gëtt manner iwwert d’Meeschterschaft geschwat wéi iwwert de Golrekord, wou d’Meenungen an der Buvette ausernee ginn. Eng perfekt Dortmunder Woch bréngt dann awer och Froe souwuel iwwert den aktuelle wéi och iwwert den zukünftegen Trainer op. Dramatesch bleift et weiderhin am Tabellekeller an an den europäesche Ligaen decidéiert sech da villes nach de leschte Spilldag.

18 may.

time.minutes.short time.seconds.short

Dramatesch spannend bleift et! An der BGL-Ligue, wou d’Fola d’Dier fir Diddeleng an Hesper nach eng Kéier opmécht an de Progrès a Racing sech weider em déi 4. Plaz streiden. A Spuenien, wou keen an den direkten Dueller vun den éischte 4 gewënnt. An zu gudder Lescht an Däitschland, wou net nëmmen an der 1. Liga géint den Ofstig gekämpft gëtt, mee wou virun allem an de Ligen ënnendrënner de Bam brennt an et ob eng (an des Kéier wierklech) bescht 2. Liga rausleeft. Wat den HSV misst maachen, fir rëm sympathesch ze sinn an ee Grond, firwat et sech géif lounen, de Ronaldo bei Bayern ze gesinn, héiert dir an der neier Episode “...”.

11 may.

time.minutes.short time.seconds.short

Et huet gerabbelt de Weekend, an dat leider net nëmmen am Filet. Ob an der BGL-Ligue, an der Ligue 1 oder an der Premier League, an der Kabinn, um Terrain oder virum Stadion, et war quasi alles derbäi. Wat de sportlechen Deel ugeet, bleift et hei zu Lëtzebuerg weiderhi spannend an an Däitschland kënnt et an der Coupe zur erwaarte Final. An fir déi, déi net wësse wat se déi nächst Deeg kucke sollen, huet den Dylan e klenge Programm opgestallt.

4 may.

time.minutes.short time.seconds.short

Se war sou séier fort, wéi se komm ass: d’Super League wäert et net ginn. De Problem awer bleift, well d’Reform vun der Champions League ass net wierklech besser, woumat mer rëm bei de Kolleege vun der UEFA wieren. Wéi gutt dass et d’BGL-Ligue gëtt, wou een dierf gespaant sinn, wien de leschten Ticket fir déi europäesch Plaze krit. Wat Ticketen ugeet, kennt sech de Ben spéitstens no dëser Episod, ganz gutt aus. An der Bundesliga ass de Moment wuel keng Equipe besser ënnerwee wéi déi Mainzer mat eisem Mettelfeldmotor Leandro Barreiro, wat och d’Bayern an en Lewandowski hu missen agesinn. A säit dësem Weekend dierf de Gerson Rodrigues sech ukrainesche Champion nennen.

27 abr.

time.minutes.short time.seconds.short

Et ass eng Noriicht, déi engem als Fan just nach d’Flemm andreift an dofir gëtt an der Buvette och kee Blat virun de Mond geholl. D’Super League wäert de Fussball, wéi mir en kennen, zerstéieren an och wann et nach vill oppe Froe ginn, gouf eng éischt awer relativ kloer Analys gemaach. Dowéinst ass de ganze Recht aus dëser Fussballwoch och bësse vernoléissegt ginn, ausser dass en Lëtzebuerger d’Super League gewonnen huet.

20 abr.

time.minutes.short time.seconds.short

Quasi vum Terrain an d’Buvette virun de Mikro an domat nach voller Emotiounen, hellt de Ben eis rëm mat an d’BGL-Ligue. An der Bundesliga schéisst de Leandro Barreiro en Gol fir seng Faarwen, dee méi wichteg net kéint sinn an et freet een sech, wou säi Wee nach hiféiert. A wéi enger Hisiicht den Dylan d’Formel 1 léiwer huet wéi de Fussball a wéi eng zwee Spiller en Dramduo am Stuerm géife bilden, héiert dir an der neier Episode "Trauzeuge Sascha".

13 abr.

time.minutes.short time.seconds.short

Eis Rout Léiwe gi no engem excellente Match géint d’Portugise leider net belount. Dofir awer de Gerson Rodrigues, dee fir déi éischte Kéier am ‘Team of the Week’ lant. De Bundesliga Spilldag war absolut fir d’Kaz a fir de Recht war et eng Episod, déi vu méi oder manner gescheite Kommentaren a Gesabbels gelieft huet, dat mat engem Dylan, deen an Topform war.

8 abr.

time.minutes.short time.seconds.short

En Weekend wéi een sech en virstellt: De Ben freet sech iwwert 3 Punkte mam Progrès an eis Rout Léiwe gewanne sensationell zu Dublin! Eng komplett verdéngte Victoire léist hoffen op méi, och wann lo keen anere Géigner wei Portugal am Josy ob si waart, mat engem Ronaldo, deen seng Roserei well rausloossen. An der Buvette versteet awer och keen, firwat et net an all Stadion Torlinientechnik gëtt a stellt d’UEFA a Fro, déi niewebäi vergësst, dass mir grad mat enger Pandemie kämpfen. Zum Schluss dann nach eng Propose, wéi den Tournoi am Summer kéint gespillt ginn.

30 mar.

time.minutes.short time.seconds.short

An der BGL-Ligue ginn d’Matcher lo endlech live iwwerdroen, och wann dat nach net ganz ouni Problemer leeft. D’Lännermatcher kéinten historesch ginn, well et hofft een, déi 3 Thill-Bridder zesummen um Terrain ze gesinn an d’Chance stinn och guer net sou schlecht. Donieft huet de Ronaldo nach eng Kéier d’Chance, sech vun de Soundboxen an dem wonnerbare Wuess am Stade Josy Barthel ze iwwerzeegen. De Weekend an der Bundesliga war fir den neutralen Zuschauer ganz spannend, och wann déi wichteg Matcher no de Lännermatcher ustinn. Dat gëllt och fir de Leandro Barreiro, deen d’Mëttelfeld zu Mainz am Moment schéin am Grëff huet.

23 mar.

time.minutes.short time.seconds.short

Géint d’Fola vun Esch ass de Moment kee Kraut gewuess, mee och de Progrès bréngt sech lues awer sécher an eng komfortabel Tabelleregioun. An der Champions League schéisst een am Labo geziichten Norweger alles kuerz a kleng an och wann d’Resultat eppes anescht seet, war Barcelona net ouni Chance am Duell géint de franséische Meeschter aus dem Katar. An der Buvette gëtt dann awer och iwwert de Nofollger vum Jogi Löw diskutéiert an an der Premier League war ee Gol méi spektakulär wei de Bundesliga Spilldag. Fir de Weekend ofzeronnen, huet eise Sheriff Sébastien nees eng Kéier geknipst.

16 mar.

time.minutes.short time.seconds.short

An der BGL-Ligue gëtt et en neie Leader a beim Progrès hätt ee gär ob en Déjà-vu verzicht. De Start an de Bundesliga Weekend war zimmlech null, an dat louch net nëmmen um Resultat, mee dofir war et nieft dem däitsche Klassiker virun allem eng rout Kaart, déi fir ganz vill Diskussioune gesuergt huet. Dann hofft een an der Buvette ob e weidere Lëtzebuerger Spiller an der Bundesliga a bei Liverpool bastelt een direkt um nächste Rekord. An well een net duergeet, ginn et der dëse Weekend direkt zwee: de Sheriff Sébastien schéisst e Gol iwwert den hallwen Terrain an de Gerson Rodrigues iwwerhëlt d’Verantwortung beim Eelefmeter.

9 mar.

time.minutes.short time.seconds.short

Derby zu Nidderkuer! Zwee Punkten an der Nospillzäit verluer, mee ëmmerhi kann ee rëm duschen am Stade Jos Haupert. A wann iergendeen mengt, et kéint net schlëmmer kommen, da kennt Schalke a beweist engem de Géigendeel: gefillt den hallwe Staff gëtt entlooss an och an der Buvette feelen engem esou lues d’Wierder. Zu Bielefeld ass een dann zur Conclusioun komm, dass een net méi Meeschter ka ginn a gehäit doropshin och den Trainer raus. De nächste Patt an der Buvette gëtt awer den Oli Thill, deen an der Ukrain säin éischte Gol konnt schéissen. Prost Oli!

2 mar.

time.minutes.short time.seconds.short

Et ass endlech souwäit: no éiwegem hin an hier rullt de Ball an der BGL-Ligue rëm! Fir de Progrès ass de Start alles anescht wei optimal verlaf, mee de Ben ass optimistesch wat déi nächst Wochen ugeet. An der Champions League wéi och an der Europa League léist de Reesbüro UEFA d’Equippen duerch ganz Europa fléien an et kann een sech d’Fro stellen, ob dat de richtege Wee ass. Wärend Frankfurt d’Bundesliga rëm spannend mécht, schafft Wolfsburg un engem neie Rekord a Schalke 0:4 kann nom Derby definitiv Matcher fir Méindes Owes plangen.

23 feb.

time.minutes.short time.seconds.short

Eng Episode ënnert ongewinnten Ëmstänn, mee nach ëmmer kee Grond zur Opreegung. Dat gëllt fir verschidden Häre vum “Mir stinn iwwert allem”-FC Bayern definitiv net, well do keng Geleeënheet ausgelooss gëtt, sech (nach méi) onbeléift ze maachen an dat kréien se an der Buvette ze héieren. A wéi kéint et um Rosenmontag anescht sinn: de Gladbacher Trainer wiesselt zur neier Saison ob Dortmund. Iwwerhaapt stoungen an dëser Episode d’Trainer am Fokus, well de Nürnberger Trainer seng Taktik grad sou gutt ob Chinesesch hätt kennen erklären. Een däitsche Spiller stécht de Moment awer ob sportlech Aart a Weis eraus an dat soll net onerwäänt bleiwen.

16 feb.

time.minutes.short time.seconds.short

Et soll einfach net sinn... De Ben mat sengem Progrès, wéi och de Recht vun der BGL Ligue, kennt einfach net an d’Rullen. “Et kéint ee mengen, et hätt iergendeen eppes géint de Lëtzebuerger Fussball”, soll en gewëssenen Här Rummenigge gesot hunn. Trotzdeem war international rëm vill lass, vu geckege Matcher am DFB Pokal, iwwer VAR-Chaos an der Bundesliga a rëm en Toppmatch an England, wouropshin d’Championnat lues awer sécher an eng Richtung tendéiert. An net ze vergiessen, hu mer rëm en Lëtzebuerger Buteur a Persoun vum Laurent Jans, dee wéi et schéngt eng Geheimformel virum Match fonnt huet.

9 feb.

time.minutes.short time.seconds.short

D’Rolle sinn des Kéier kloer verdeelt: De Ben fillt sech prett fir d’BGL, den Dylan fuddelt am Online Training an de Gilles kuckt sech dat Ganzt vu baussen un a geet an där Zäit villäicht mat deenen Dortmunder Eelefmeter trainéieren. International war nawell eppes lass um Transfertmaart, och wann aus Lëtzebuerger Siicht näischt aus engem ganz geckege Wiessel ginn ass. Eng Noriicht aus Spuenien ass awer ageschloe wéi eng Bomm: Dem Lionel Messi säi Konto gëtt mat Millioune gesprengt an et ass net ganz einfach, déi Zuelen ze verschaffen, dofir huet een sech an der Buvette mol e Moment geholl, fir eng Analys ze maachen.

2 feb.

time.minutes.short time.seconds.short

Eng Nouvelle, déi engem Äerdbiewen entsprécht, schockéiert d’Fussballwelt: De Kevin Großkreutz, de Mann mat sou villen Talenter, hänkt seng Fussballschong un de Nol an d’Buvette erweist him déi lescht Éier. Vun engem Skandal an den aneren: Zu Gladbach gi well Geschichten em de Schwäizer Embolo ronderëm, wat do stemmt a wat net, bleift elo mol nach e Rätsel. Fir de Moment vun der Woch huet awer definitiv de Leandro Barreiro gesuergt, deen als drëtte Lëtzebuerger iwwerhaapt an der Bundesliga e Gol schéisst a senge Mainzer Jonge ganz wichteg Punkte bréngt. An zu Liverpool gëtt et sou lues ongemittlech, nodeems hier Serie an der Premier League ob en Enn geet an och am FA-Cup Schluss ass.

25 ene.

time.minutes.short time.seconds.short

Leider huet den FC Déifferdeng de Sprong an déi nächst Ronn vun der Futsal Champions League verpasst, mee trotzdeem all Respekt, well hier Platz an de Lëtzebuerger Geschichtsbicher ass sécher. An der Bundesliga dierf Bayern säi Virsprong ganz gemittlech ausbauen, well sech soss kee responsabel fillt, Meeschter ze ginn. Opfälleg war de Weekend just, dass d’Konferenz um Samschde Metten onopfälleg war. Dofir war méi Zäit fir an England ze kucken, well do den absolutte Spëtzematch um Programm stoung, och wann een do hätt méi kennen erwaarden. An dann huet nach en jonken Här vu Paräis fir Opreegung an der Buvette gesuergt.

18 ene.

time.minutes.short time.seconds.short

D’Buvette ass endlech rëm ob! An de Start an dat neit Foussballjoer fänkt direkt ganz geckeg un, well et ass geschitt... Schalke huet, an nee mir dreemen net, endlech mol rëm eng Kéier 3 Punkte geholl. An dat war esou aussergewéinlech, dass de Ben sech fir déi Episode soss näischt opgeschriwwen huet. Dobäi waren nach 2 Topmatcher an der Bundesliga, déi hiren Numm definitiv verdéngt haten! Dëse Weekend war dann och de FA-Cup an England, wou Liverpool géint eng gefillte Poussins-Equipe vun Aston Villa gespillt huet, a wei eng legendär Coupen doduerch an d’Gespréich kommen an den Dylan an Nostalgie versetzen, héiert dir an der neier Episode “Et ass souwäit”.

12 ene.

time.minutes.short time.seconds.short

An der Buvette war et den Dag vun de Premièren! Net nëmmen hellt den Dylan fir d’éischt doheem ob, mee och de Futsal gouf ugeschwat, méi genau den FC Déifferdeng 03, deen als éischt Lëtzebuerger Equipe eng Ronn an der Champions League weider kennt. Donieft schwätzen d’Jongen aus der Buvette iwwert eng eventuell nei Abseitsregel, déi allerdéngs ob wéineg Begeeschterung trefft. Zwou Gol-Maschinnen aus Argentinien a Polen, de José Mourinho mat der Ausso vun der Woch an eng Iddi, wei Schalke rëm kéint ob déi richteg Spuer geroden, stoungen um Programm. An wei et zum Titel komm ass, héiert dir an der neier Episode “Aaschbomme fir den Dylan”.

dic. de 2020

time.minutes.short time.seconds.short

De Buvette Podcast seet NEE zu Rassismus!! a kuckt nach eng Kéier op d' Affär vun Paräis. Außerdem ass de Podcast endlech volljäreg ginn....18! An dat hunn déi Stuttgarter och richteg geféiert de Weekend. Ahhh nee, hier 5:1 Victoire géingt desolat Dortmunder war hinnen dunn awer ee méi grousse Grond zum Féieren. Dorops hi, gouf de Lucie Favre gebueden seng siwe Saachen ze packen an doriwwer war och net wierklech een onglécklech. D Bayern loossen och Punkte léien an domat heescht den néie Spitzenreiter Vize-Kusen.... Ehhhh pardon! Leverkusen! Déi sech souverän duerch d Liga spillen an och deene bloen aus der SAP-Arena keng Chance gelooss hunn. An England gouf et eng Null-Nummer do der anerer. De Manchester Derby verdéngt deen Numm net mol am Usaz an Tottenham an Liverpool konnten och net méi wéi ee Punkt ergatteren.

dic. de 2020

time.minutes.short time.seconds.short

Déi 17t Episod ass zwar kee Jubiläum mee de Gilles, Dylan a Ben hunn sech awer iwwert dee Meilestee gefreet. An dat Ganzt hunn si mat villen Theme ronderëm de Fussball zelebréiert. Wéi zum Beispill Fändelen an der Berliner Bannestad, Dortmund an de SpongeBob an d Finanze vum FC Barcelona. Wéi ëmmer sinn déi dräi awer och an hier Liblingslige kucke gaangen. An beim Stuttgarter Wamangituka sengem Gol, trennt sech d Meenung an der Futtballwelt souwuel wéi och d Meenung an der Buvette.

dic. de 2020

time.minutes.short time.seconds.short

De groussen Diego Maradona huet eis leider verlooss... an obwuel d Jongen en ni spille gesinn hunn, hunn se eng kloer Meenung zur argentinescher Legend. Dann sinn déi dräi an d Bundesliga gehopst. Wou ee verzweiwelte Geessebock ni soll ënnerschätzt gi. Dat hunn och d Beien aus Dortmund de Weekend misse feststellen, wéi déi zweetlescht aus Köln hinnen d Punkte geklaut hunn. Mee.... dat war jo och rëm typesch BVB. Fir d Unhänger vum FC Schalke war alles wéi ëmmer, kee Punkt mee awer zwou Suspendéierungen. Läuft! Dann hunn de Gilles, Dylan an de Ben och rëm an d Premier League geluusst. Do war zwar net dat risegt Spektakel um Programm mee iwwert de VAR reegt sech do jo all Weekend een op.

dic. de 2020

time.minutes.short time.seconds.short

An dëser Episod hunn d Jongen aus der Buvette sech mol méi Zäit gelooss fir d lëtzebuergesch BGL Ligue ënnert d Lupp ze huelen. De Ben a säi Progrès kommen des Saison net sou richteg an d Rullen. Genau sou wéi déi sportlech Trupp aus Hesper, déi momentan och net mat sportlechen Noriichten op sech opmierksam mëscht. Trotz allem, ass de Jongen awer net entgaangen dass ee ganz ganz jonke Mann e Samschden säin Debut an der Bundesliga maache konnt. De Youssoufa Moukoko vu Dortmund, dierft e puer Minutten op déi grouss Bün a konnt mat sengen Idoler kicken an dobäi och nach seng éischt Victoire féieren.

nov. de 2020

time.minutes.short time.seconds.short

D' Lännermatchpaus war alt erëm eng Kéier vu grousser Langweil gepräägt. Ausser eisen rouden Léiwen ass fir den Gilles, Dylan a Ben näischt Intressantes dobäi gewiescht. Leider hu sech dem Luc seng Bouwen Zypern misse geschloen ginn. Mee en Dënschden heescht et rëm Rouden Léif, huel se! An dann gëtt hoffentlech awer alles gutt. An wat hunn den Gerson Rodrigues an den Sergio Ramos gemeinsam??... Déi Zwee hunn den Weekend mat Sécherheet d Léit schéin nervös gemaach an fir Ausraster virun der Tele gesuergt. Trotz allem kann een hinnen net laang béis sinn.

nov. de 2020

time.minutes.short time.seconds.short

De Weekend war gepräägt vun intensive Fussballsminutten, een Toppmatch huet deen nächste gejot. Dortmund-Bayern, Manchester City-Liverpool oder och Schalken-Mainz a Bremen-Köln. An all Match hat déi erwaarte Spannung och an sech, do huet sech kee luppe gelooss. Schalke verléiert iwwregens fir d 3t hannerteneen net!. Dann hu mir och rëm op eis rout Léiwen gekuckt a sinn zum Entschloss komm dass Metz a Schalke sech besser net sollten zesumme schléissen. do iwwerweit d Kompetenz nämlech net.

nov. de 2020

time.minutes.short time.seconds.short

Dës Episod ass gepräägt vun de professionelle Ligen well de Ball soss néierens gerullt ass, a Schold do drun ass ausnamsweis mol rëm dee faméise Virus. Mee wien lo mengt den Dylan, Gilles a Ben hätten näischt ze schwätzen ass genau sou naiv wéi een dee mengt den Ibrahimovic oder de Ronaldo géife vum Virus geschwächt ginn. Kommt mol an de Match...! An England war Topmatch. An et goufen mol Zäiten an deenen sech de Viera an de Keane bei Arsenal-Manu geboxt hunn an et em d' Meeschterschaft gaangen ass. Lang, lang ists her.

nov. de 2020

time.minutes.short time.seconds.short

D' Technik kann dech am Stach loossen, mee déi Gewëssheet dass de Lewandowski trefft ni. Deen Mann huet et einfach drop...Wéi gewinnt, hunn de Gilles, den Dylan an de Ben ee Schlussstréch ënnert de Fussball-Weekend gezunn. Blo-Wäiss war definitiv keen Tromp, Hertha Berlin a Schalke enttäuschen einfach nëmmen a mir froen eis op wéini déi zwee Veräiner rëm richteg Spaass machen. Zum Gléck ass d' Gekicks op der Insel sou spannend! An joooooooo... Leicester City war keen direkten Opsteiger. Den Ben an den Dylan entschëllegen sech an aller Form dofir! Mee beim Jamie Vardy kann ee scho mol bësse geckeg gi. An villäicht geet et iech jo och sou, mee de Classico a Spuenien ass net méi dat wat et eng Kéier war.

oct. de 2020

time.minutes.short time.seconds.short

Nations League, Dammefussball, Coupe de Luxembourg, Bundesliga, Premier League, Serie A, Eredivisie a quasi all eenzelen Nationalspiller. Déi dräi aus der Buvette hunn an dëser Episod quasi näischt ausgelooss. D'Fussballgötter, Zlatan Ibrahimovic, Gerson Rodriguez a Mario Götze hunn de Weekend de Ball an de Filet gejot. An England gi méi Goler geschoss wéi bei The Voice of Germany gebuzzert gëtt. Just d' Bundesliga hat eis näischt ze bidden. Bravo un Schalke fir den éischten Punkt, mee soss war et sou langweileg wéi een Discobesuch an Corona-Zäiten.

oct. de 2020

time.minutes.short time.seconds.short

Déi gutt Noriicht ass, weder den Dylan, nach de Gilles, nach de Ben hunn de Weekend hire Match verluer. Op der anerer Säit stoungen all d' Ligen stall.... Well et war un der Nations League! Eis jonk Léiwen hunn de Match géint Zypern gewonnen a fléien lo op Montenegro. Ee Genoss ass et, deenen nozekucken. Aner grouss Natioune maachen do net sou vill Spaass. Dann huet den Deadline Day eis Fussballshäerzer méi héich schloen gelooss. Vun Choupo-Moting bis op Götze waren mir begeeschtert. Ausserdeem schafft den Jeff Saibene un sengem Legendenstatus um Betzenberg.

oct. de 2020

time.minutes.short time.seconds.short